Presented Topic at 19th EMS International Research Conference

 

Lubna Shah (PHD Scholar)

احیاء علوم الدین کے مضامین کی علمی ترتیب: ایک تجزیاتی مطالعہ

کتاب احیاء علوم الدین از امام ابو حامد الغزالی اسلامی فکری روایت میں ایک جامع اور ہمہ جہت تصنیف کی حیثیت رکھتی ہے، جس میں دین کو محض عبادات تک محدود نہیں رکھا گیا بلکہ اسے ایک مکمل اخلاقی، روحانی اور معاشرتی نظام کے طور پر پیش کیا گیا ہے۔ یہ مقالہ احیاء علوم الدین کے مضامین کی درجہ بندی اور ان کے پسِ منظر میں موجود فکری و تربیتی نظام کا تجزیاتی مطالعہ پیش کرتا ہے۔

تحقیق کا بنیادی مقصد یہ واضح کرنا ہے کہ امام غزالی نے اپنی اس تصنیف میں علوم کو چار بنیادی حصوں عبادات، عادات، مہلکات اور منجیات میں تقسیم کرکے ایک مربوط (integrated) تربیتی خاکہ پیش کیا ہے، جو انسان کی ظاہری اور باطنی دونوں جہات کی اصلاح پر مبنی ہے۔ اس تقسیم کے ذریعے نہ صرف  لوگوں کی روحانی تربیت بلکہ  ان کی معاشرتی اور اخلاقی اصلاح بھی ممکن بنائی گئی ہے۔

یہ مقالہ اس امر کا بھی جائزہ لیتا ہے کہ احیاء علوم الدین کی یہ موضوعاتی ترتیب جدید تعلیمی و اخلاقی نظاموں کے مقابلے میں کس قدر جامع اور ہمہ گیر ہے، اور کس طرح یہ ایک متوازن انسانی شخصیت کی تشکیل میں معاون ثابت ہوتی ہے۔ مزید برآں، تحقیق میں اس بات پر بھی روشنی ڈالی گئی ہے کہ امام غزالی کا یہ فکری ماڈل عصرِ حاضر میں اخلاقی بحران اور روحانی خلا کے تناظر میں کس طرح قابلِ اطلاق ہے۔

یہ مطالعہ کلاسیکی اسلامی فکر کو ایک منظم علمی نظام کے طور پر سمجھنے اور اسے معاصر علمی مباحث کے ساتھ مربوط کرنے کی ایک سنجیدہ کاوش ہے، جو نہ صرف اسلامیات بلکہ بین الشعبہ جاتی (interdisciplinary) تحقیق کے لیے بھی نئی جہات فراہم کرتا ہے۔

 Keywords: روحانی  و اخلاقی تربیت،عبادات،عادات،مہلکات، منجیات